Merqez Gaxha eshte 67 vjeç. Vuan prej shumë vitesh nga diabeti dhe për fatin e tij të keq, ka jetuar gjatë pa e ditur se e kishte këtë sëmundje. Ndërkohë, përparimi i saj kishte dëmtuar funksionin e veshkave.
“Kisha dhjetë vjet pa e konstatuar sëmundjen, prandaj dëmi ishte bërë. E ndieja veten keq, veshkat më krijonin shumë probleme dhe kalova në hemodializë”, shprehet i moshuari.
Përpos vështiresive qe i sjell mbartja e diabetit, tani 67-vjeçari duhet te kryeje ne nje cikel rutine, tre here ne jave hemodializen. Nje pajisje qe ne mungese te veshkes, kryen pastrimin e gjakut, duke zevendesuar funksionin e saj.
“Kam filluar të kryej hemodializën nga maji 2010 dhe vazhdoj ta bëj. Në fillim mendova se ishte në një gjendje shumë problematike, por me ndihmën e hemos u përmirësova dhe mund të kryej një jetë thuajse normale”, thotë Gaxha.
Merqezi e jeton diten e tij me shume kufizime. Perpos dietes dhe aktiviteteve fizike te pakta, ai nuk mund te qendroje dot larg kesaj pajisjeje qe e zgjat ciklin e tij te jetes.
“Lëvizjet janë kufizuar, edhe mundësia është kufizuar, nuk mund të largohem siç mund ta bëjë një njeri normal, larg vendit ku banoj dhe bëj dializën”.
Top Channel
