“Të vdesësh është e thjeshtë. Të jetosh është e vështirë, por kjo është arsyeja përse jemi mbledhur këtu”.
Kështu ka thënë Sylvester Stallone, i cili ndodhet në Romë, ku është takuar me një grup të rinjsh të një lagjeje periferike.
I ftuar në Festivalin e Romës, ku më 14 nëntor do prezantohet filmi “Bullet to the head”, Sly ka vizituar edhe bashkinë e Romës, ku kryetari Gianni Alemanno i ka dhuruar ujkonjën e kryeqytetit.
“Do ta vendos në vend të statujës së Oscar-it”, ka thënë duke falenderuar mikpritësit aktori, i cili rrënjët e origjinës i ka pikërisht nga Italia.
Përveç filmave ku do të interpretojë i vetëm, Sly ka në plan edhe episodin e tretë të sagës “Mercenarët”, filmi i dytë i të cilës arriti sukses në kinematë e të gjithë botës.
Për protagonistët e episodit të tretë në forumet e ndryshme në internet qarkullojnë emrat e Wesley Snipes, Steven Seagal, Antonio Banderas dhe madje Harrison Ford.
Top Channel
