Gisele Bundschen u fotografua në plazhin e Miami me një bark shumë të fryrë. Modelja e famshme braziliane është në prag të lindjes së fëmijës së saj të dytë dhe ditët e fundit është shfaqur shumë e lodhur në publik.
Për këtë arsye 32-vjeçarja vendosi të merrte pak rreze dielli ditën e dielë.
Ish-modelja e Victoria’s Secret është e martuar me lojtarin e futbollit amerikan Tom Brady, por edhe pse ajo është top-modelja më e paguar në botë dhe konsiderohet nga Naomi Campbell dhe Claudia Schiffer si supermodelja e vetme që ka mbetur, jeta nuk ka qenë aspak e lehtë për Gisele Bundschen.
Sipas fotografit të njohur Mario Testino, askush në industrinë e modës nuk e pëlqente brazilianen në fillimet e saj.
“Askush nuk e pëlqente, askush nuk e donte. Kam luftuar shumë në mënyrë që të pranohej sepse nuk mendonin se ishte e duhura për këtë punë. Kishin ankesa për hundën e saj, gjoksin… gjithmonë e gjenin diçka”, shprehet Testino për ‘The Observer’.
57-vjeçari Testino pati të drejtë që këmbënguli për Bundschen pasi në këto 10 vite fitimet e saj kalojnë 250 milionë dollarë, sipas ‘Forbes’.
Top Channel
