Lifestyle

Prindërit vënë fotot e tyre në Facebook-un e vajzës si dënim

24/10/2012 11:30

Dy prindër në Uiskonsin të Shteteve të Bashkuara të Amerikës kanë gjetur një mënyrë shumë origjinale për të dënuar vajzën e tyre pasi ajo nuk është treguar e bindur.

Cifti i ka marrë celularin adoleshentes dhe nëpërmjet tij ka postuar në profilin e saj të Facebook-ut foto të tyre shumë “turpëruese”. Mamaja dhe babai kanë pozuar me “sytë kryq” dhe me dy gishtat lart.

Edhe pse dënimi mund të duket i lehtë, shumë adoleshentë nuk e shohin kështu dhe në rrjetin shoqëror ‘Reddit’ kanë shkruar: “Një gjë e tillë është si një vetëvrasje shoqërore për një adoleshente. Më vjen shumë keq për të.”

Kjo nuk është hera e parë që prindërit e sotëm përdorin mediat sociale për të ndëshkuar fëmijët e tyre.

Një nënë modifikoi një foto duke vënë një kryq të kuq në buzët e vajzës së saj dhe këtë foto e shoqëroi me përshkrimin: “Nuk di të mbaj gojën mbyllur. Nuk më lejohet më të hyj në Facebook apo të përdor celularin.”