Jetimët më të famshëm të historisë

Ka shumë artistë, politikanë, aktivistë të të drejtave të njeriut në botë, të cilët kanë humbur prindërit apo kujdestarinë e tyre kur kanë qënë të vegjël, por kanë arritur të kalojnë vështirësitë dhe madje të kontribuojnë për shoqërinë.

Aristoteli mbeti jetim kur ishte një djalë i vogël dhe u rrit nga një kujdestar që quhej Proksenus, i cili e edukoi në Akademinë e Platonit.

Kompozitori i famshëm Bah, ishte fëmija i tetë i Johan dhe Maria Bah. Në moshën 9-vjeçare humbi të ëmën dhe një vit më vonë te atin. U rrit nga vëllai më i madh 24-vjeçar.

Lev Tolstoi, shkrimtari dhe filozofi i famshëm rus, mbeti pa të ëmën në moshën 2-vjeçare dhe pa të atin kur mbushi 9 vjeç.

Por, fatkeqësitë e tij nuk përfunduan me kaq. Ai u rrit fillimisht nga gjyshja, e cila më pas u nda nga jeta, më pas nga një teze e cila gjithashtu vdiq e më pas nga një teze tjeter.

Merlin Monroe lindi nga një nënë e pamartuar. Përfundoi ne jetimore në moshën 7-vjeçare pasi e ëma punonte dhe nuk kishte mundësi të kujdesej për të.

Më pas shkoi të jetonte me të ëmën, por kjo e fundit u sëmur mendërisht dhe përfundoi në spital.

Merlin mbeti prapë e vetme dhe jetoi ne 9 shtëpi kujdestare dhe një jetimore deri sa u martua për herë të parë në moshën 16 vjeçare.

Në një nga këto shtëpi, kur ishte 8 vjeç ajo u abuzua seksualisht.

Prindërit e Xhon Lenon u ndanë kur ishte 3 vjeç. Pas moshës 5 vjeç, pas përpjekjesh të dështuara për bashkimin e prindërve si dhe një experience të keqe në famijen e re me njerkun, ai u rrit nga tezja e tij me bashkëshortin të cilët s’kishin fëmijë.

Babai i dytë, vdiq kur ai ishte 13 vjeç, vdekje e cila ndikoi jashtëzakonisht në jetën e tij.

Kengëtari i njohur i “Beatles” pati një kohë shumë të vështirë në shkollë dhe shpesh futej në telashe, duke vjedhur nëpër dyqane dhe duke gjuajtur trenit me gurë.

Rojard Kipling, në moshën 6-vjeçare bashkë me të motrën iu besuan shërbimit të kujdestarisë në një familje kalviniste e cila abuzoi me të fizikisht dhe emocionalisht, ndërkohë që favorizonin të motrën.

Ingrid Bergman mbeti jetime nga nëna në moshën 3 vjeç dhe nga i ati në moshën 12 vjeç.

Pas vdekjes së të atit, Ingridi u la nën kujdesin e një tezeje të pamartuar e cila gjithashtu vdiq brenda pak muajsh. Më pas ajo jetoi me xhaxhain dhe famijen e tij.

Malkom X mbeti pa të atin që u vra nga racistët e bardhë në vitin 1931, e më pas për shkak të varfërisë së madhe dhe sëmundjes mendore të të ëmës, kujdestarët socialë vendosën ta conin në një jetimore. Më vonë ai besua në nje familje kujdestare.

Steven Jobs mbeti jetim që foshnjë, por pati fatin të birësohej.

Top Channel