Bayern Munchen nuk do të ketë në dispozicion Arjen Robben dhe Daniel van Buyten në ndeshjen ndaj Lille, e vlefshme për fazën e grupeve të Ligës së Kampioneve.
Trajneri Jupp Heynckes ka grumbulluar 19 lojtarë për sfidën e së martës dhe bie në sy mungesa e futbollistit hollandez dhe atij belg.
Gjithashtu do të vazhdojë të jetë i padisponueshëm edhe Mario Gomez. Nga ana tjetër do të kthehet në listën e të grumbulluarve Claudio Pizarro, qendërsulmuesi i cili muangoi ndaj Fortuna Dusseldorf pas vonesës së fluturimit nga Peruja, ku luajti me kombëtaren e vendit të tij në eliminatoret e “Brazil 2014”.
Ndeshja Lille-Bayern Munchen do të luhet të martën në orën 20:45. Në grupin F kryeson BATE Borisov me 6 pikë, ndjekin Valencia dhe Bayern Munchen me nga 3 pikë dhe e fundit renditet Lille me 0 pikë.
Top Channel
