Del Piero i jep lamtumirën Juves

Ka zgjedhur pikërisht një nga ambientet e FIAT për ta bërë këtë, pikërisht një vend mjaft të dashur edhe për Gianni Agnellin, mbështetësin i tij më të madh.

“Jam i lumtur edhe i emocionuar. Dua t’ju njoftoj se pak orë më parë kam firmosur me Sydneyn, dhe për dy vitet e ardhshëm do të jem “australian”, ka thënë Del Piero.

“Kanë qenë të shumta ofertat këtë verë, nuk e merrni me mend se sa. Por në fund zgjodha Syndeyn, projekti i tyre ishte bindës edhe unë pas kaq vitesh desha të provoja dicka ndryshe. Mezi pres të filloj aventurën time të re. Kam pasur oferta edhe nga Amerika, e cila ishte shumë afër, Premier Liga angleze edhe nga ekipet italiane. I falënderoj të gjithë për interesin që kanë treguar. Nuk zgjodha një ekip italian, jo se i konsideroj armiq pas kaq vitesh tek Juve, por ishte më mirë kështu”, vazhdoi ish-kapiteni bardhezi, duke shtuar:

“Dashuria për këtë ekip nuk përfundon sot, as në ditën kur e kuptova se nuk do të luaja më për Juven, as në ndeshjen e fundit, ajo nuk do të marrë fund kurrë. Do të bëj tifo për Juventusin përgjithmonë”, përfundoi kampioni më i dashur italian në vitet e fundit.       

Del Piero, 38-vjec, ka firmosur për dy vitet e ardhshme me ekipin australian Sydney FC për 1.6 milion euro në vit.  

Top Channel