Lifestyle

Putin përkujton fitoren ndaj Bonapartit

03/09/2012 16:30

200 vjet më parë, Napoleon Bonaparti do të pësonte humbjen më të madhe të një beteje. Pikërisht në Borodino, në dyert e Moskës, perandori francez humbet armatën e tij prej më shumë se 400 mijë ushtarësh dhe detyrohet të tërhiqet nga territoret e pushtuara ruse.

Për të përkujtuar këtë 200 vjetor, në vendin ku u mbajt beteja mbi 3 mijë figurantë risollën të gjalla momentet e betejës. Mes pjesëmarrësve vip ishte edhe presidenti rus, Vladimir Putin dhe mijëra spektatorë.

Lëvizjet e figurantëve në fushën e betejës u kryen me përpikmëri sipas fakteve historike që kanë sjellë në ditët tona lëvizjet strategjike të Napolon Bonopartit dhe forcave cariste.

Në pranverën e vitit 1812, pasi kishte shtënë në dorë thuajse gjithë territorin e Europës, Napoleon Bonoparti niset me një ushtri prej 600 mijë ushtarësh drejt Rusisë. Në përbërje të ushtrisë kishte gjermanë, austriakë, polakë e të tjerë nga vendet e pushtuara prej tij, ndërkohë që një pjesë e mirë e ushtrisë perandorake franceze sapo kishte pushtuar Spanjën.

Brenda pak javëve Napoleoni futet në tokën ruse me shpresën e përballjes së menjëhershme me forcat e carit Aleksandër. Por strategjia e rusëve ishte krejt tjetër. Ata zgjodhën të mos përballeshin e të tërhiqen drejt Moskës duke lënë gjithcka të shkretë pas. E pajisur me pak ushqime, duke menduar se fushata pushtuese në Rusi do të zgjaste pak kohë, ushtria e Bonapartit u gjend shumë shpejt në mungesë ushqimesh dhe kur mbërriti në portat e Moskës, pikërisht në Borodino ishte thuajse e përgjysmuar.

Pavarësisht kësaj, beteja në Kështjellën historike ruse u mbajt dhe pas ditësh të tëra luftimesh, Napoleoni urdhëron tërheqjen. Ajo që kishte mbetur prej armatës së tij me 600 mijë ushtarë, ishin vetëm 20 mijë të tillë.