“Avullon” akulli i Artikut
28/08/2012 16:30
Video/ Gara më e shpejtë në botë, IShowSpeed sfidon një gepard dhe zbulon kufijtë njerëzorë 09/01 22:32
Artiku ka humbur më shumë akull gjatë këtij viti që prej nisjes së fotografimeve të para satelitore, në vitin 1979, raportoi të martën “NASA”.
Megjithatë, ekspertët e ndryshimeve klimaterike u shprehën të pasigurt nëse “avullimi i akullit” lidhet me ngrohjen globale apo me ndryshimet ciklike të temperaturave dhe klimës.
Sikur të mos mjaftonte kjo situatë alarmuese, ndërsa akulli arrin pikën e tij më të ulët në shtator dhe pas këtij muaji nis të riformohet, këtë vit pritet që kjo të ndodhë me disa javë vonesë.
Sipas NASA-s, sipërfaqja aktuale e akullit të Artikut është prej vetëm 4,1 milionë kilometra katrorë, në krahasim me 4,2 milionë që arriti minimumi në 18 shtator 2007.
Me rritjen e temperaturave globale, sipërfaqja dhe trashësia e akullit në Artik dhe Antarktidë ka shënuar një rënie të vazhdueshme.
Fotografitë tregojnë se ritmet e reduktimit të akullit janë prej 13% në një dekadë, çka rrit gjithmonë e më shumë rrezikun e përmbytjeve si pasojë e rritjes së nivelit të deteve.
Top Channel
