Një eksperte shtangu autoritetet kulturore spanjolle, me një restaurim skandaloz të një pikture historike të Jezu Krishtit.
Imazhi i “Ecce Homo”, i vendosur 100 vjet më parë në Kishën e Mëshirës në Saragoza, ishte dëmtuar me kalimin e viteve nga lagështira dhe agjentët e tjerë fizikë.
Restauratorja 80-vjeçare kërkoi që të “freskonte” personalisht imazhin, duke dalë si vullnetare për të kryer këtë punë, por pasi ra në duart e saj, piktura tashmë ngjan më shumë me një majmun të mbushur me qime në fytyrë, se sa me atë të një njeriu.
Në të vërtetë, për një sy të pastërvitur, piktura e mëparshme me atë të tanishmen nuk kanë asnjë lidhje midis tyre.
Një grup ekspertësh është thirrur për t’u përpjekur që të rikthejnë imazhin e parë, por duket se diçka e tillë do të jetë tashmë shumë e vështirë.
E moshuara, nga ana e saj, përballet me procedim penal, por sipas drejtuesve të kishës, diçka e tillë nuk do të jetë e nevojshme pasi ajo u “nis me qëllimet më të mira”, ndonëse restaurimi mund të hyjë në histori si një prej fiaskove më të mëdha të historisë së kësaj fushe.
Top Channel
