Kafshon gjarpërin deri në ngordhje
23/08/2012 00:00
A do të ishe ndryshe po të ishe rritur në një vend tjetër? Çfarë thotë shkenca? 10/02 08:16
“Nëse të kafshon një gjarpër, kafshoje edhe ti, në mënyrë që të shpëtosh”. Kjo ishte këshilla “e urtë” që i kishtë dhënë një mik që mbahej për njeri i mencur në një provincë jugor të Nepalit.
Mohamed Salmodin, gjatë kohës kur po punonte në arë, u kafshua nga një gjarpër i llojit kobra. Pa një pa dy, Salmodin ndoqi këshillën e mikut të tij “të urtë” dhe iu rikthye gjarpërit duke e kafshuar atë deri në ngordhje.
Më pas rikthehet në shtëpi i qetë ku u rrëfen ndodhinë familjarëve dhe policisë. I vendosur nën presionin e këtyre të fundit, Salmodin detyrohet të paraqitet në spital, ku pas mjekimeve përkatëse, rezultoi se gjarpëri që e kishte kafshuar nuk ishte vdekjeprurës. Fati i tij.
Lajmi për incidentin, që u regjistrua ditën e martë në një fshat rreth 200 kilometra në jug-lindje të Katmandusë, kryeqytetit të Nepalit, u përhap me shpejtësi jo për faktin se një person u kafshua nga gjarpëri (këto nuk janë të rralla në Nepal), por për mënyrën e reagimit të viktimës së reptilit, që shpejt u shndërrua në vrasësin e tij.
Në Nepal raportohen të paktën 20 mijë raste kafshimesh nga gjarpëri dhe jugu i vendit rezervon një shumëllojshmëri gjarpërinjesh, nga më vdekjeprurësit në botë. Në Nepal, regjistrohen rreth 1 mijë viktima cdo vit nga kafshimet e gjarpërinjve.
Top Channel
