Juventus, nuk ka ulje dënimi për Conte-n
22/08/2012 11:45
Dënimi i Antonio Conte për përfshirjen e tij në skandalin e basteve në Itali nuk është ulur në apel.
Gjykata e Drejtësisë Federale ka konfirmuar 10 muajt e pezullimit për teknikun e Juventusit, ndërsa lojtarët e bardhezinjve Leonardo Bonucci dhe Simone Pepe janë liruar nga akuzat e Prokurorisë.
Edhe Marco Di Vaio nuk është dënuar, ndërsa mbetet në fuqi vendimi për rrëzimin e ekipit të Lecce në Lega Pro.
Gjatë mungesës së Conte ekipi torinez është drejtuar dhe do të vazhdojë të drejtohet nga Massimo Carrera. Trajneri i ri ka fituar Superkupën e Italisë ndaj Napolit dhe trofeun Luigi Berlusconi ndaj Milanit në dy ndeshjet e para që ka qenë në krye të Zonjës së Vjetër.
Top Channel