Rikthimi i frikshëm i neonazistëve
15/08/2012 16:20
Për herë të parë prindër, çifti i njohur i këngëtarëve shqiptarë japin lajmin e ëmbël 24/11 17:59
Një grup neonazistesh gjermanë është duke përdorur teknologjinë moderne për t’u organizuar në manifestime dhe organizime pothuajse identike me atë të Gjermanisë Hitleriane të viteve 1930-40.
Në një reportazh shqetësues të transmetuar ditën e mërkurë nga rrjeti amerikan “CNN”, shfaqen disa qindra anëtarë të organizatës “Të Pavdekshmit”, duke marshuar me maska, me slogane dhe këngë naziste.
Sipas të dhënave, marshimi u realizua në qytetin e Bautzenit, në Gjermaninë Lindore, në datën 1 maj.
Data është e veçantë për nga domethënia, pasi nën drejtimin e Adolf Hitlerit, në këtë ditë trupat paraushtarake “SA” marshonin netëve me pishtar në dorë, duke u përbetuar për besnikëri ndaj atdheut, racës ariane dhe “Fyhrerit”.
Ngjarja përfundoi në “CNN” pas publikimit në “youtube” nga një përdorues i panjohur.
Ndonëse manifestimet, sloganet apo shprehja e bindjeve fashiste e raciste në publik është i ndaluar me ligj në Gjermani, rigjallërimi i lëvizjeve neonaziste është një prej problemeve më nevralgjike, me të cilat ndeshet policia vendase.
Më parë gjatë vitit, disa persona anëtarë të një rrjeti nazist u prangosën, pasi ndër vite kishin ekzekutuar të paktën dhjetë persona me prejardhje jogjermane, ndikuar nga bindjet e tyre ekstreme.
Top Channel
