Liqeni i “përgjakur”
09/08/2012 17:20
Publikimi i fotove private, Princi William dhe Princesha Kate fitojnë gjyqin me revistën franceze 30/10 18:12
Mund të duket si skenari i ndonjë filmi horror, por në të vërtetë është vetëm një fenomen i mrekullueshëm natyror, që ka shndërruar një liqen të zakonshëm në Francë në një prej destinacioneve me të parapëlqyera turistike në vend.
Skenat e rralla i ofron një liqen unik në Kamarg, në jugun e Francës. Ndonëse pamja është aq dramatike sa që e ka bërë vendin të njihet me emrin “liqeni i gjakut”, ky fenomen gjen shpjegim si rrjedhojë e përqendrimit të lartë të kripës në ujë.
Përqendrimi i lartë i kripës ka bërë që të rritet një bimësi dhe që uji të ketë një përbërje tjetër nga ajo e zakonshmja, çka i jep atij ngjyrën unike të kuqe.
“Kisha dëgjuar shumë rreth Kamargës, por asnjëherë nuk kisha parë e as imagjinoja të shihja diçka të tillë. Ngjyra e kuqe shtrihet nga bregu në horizont, ndërsa kristalet e kripës mund të shihen gjithandej”, deklaroi një profesionist i fotografisë, i ardhur që nga Rusia për të kapur imazhet.
Top Channel
