Brazili do të luajë me Meksikën në finalen olimpike të futbollit për meshkuj, planifikuar të shtunën në stadiumin Uembley.
Të besuarit e Mano Menez kaluan lehtësisht në gjysmëfinale ekipin e Koresë së Jugut me një fitore 3-0.
Romulo ka vënë në avantazh Brazilin në takimin e luajtur në Old Trafford, pas një pasimi mjeshtëror të Oskar.
Leandro Damiao shënoi dy herë pas pushimit duke u bërë golashënuesi më i mirë i turneut me gjashtë gola.
Brazili ka shënuar plot 15 gola në pesë ndeshje në ambicien e tyre për të fituar medaljen e artë për herë të parë.
Ekipi Mano Menezes mbetet ende i pamposhtur dhe ka gjetur rrjetën tri herë në çdo ndeshje që ata kanë luajtur, duke justifikuar edhe parashikimet para turneut si favoritë kryesorë për fitoren e medaljes së arit.
Top Channel
