Ai është një prej lojtarëve më të mëdhenj në kohë të Anglisë, por fama e tij jashtë fushe e ka eklipsuar shpesh herë talentin e tij të padiskutueshëm. Pavarësisht se ka luajtur në disa prej klubeve më të mëdha në botë, David Beckham shqetësohet ende se si ai do të mbahet mend pasi të shkelmojë topin për herë të fundit.
Lojtari 37-vjecar i Los Angeles Galaxy është në perëndimin e karrierës së tij, por gjithsesi duket ende larg daljes në pension.
Kur u pyet se si do të donte që ta kujtonin ai u përgjigj për revistën “Esquire” se “Thjesht si një futbollist që punon me të gjitha forcat”.
“Mbi të gjitha unë dua të mbahem mend si një futbollist i mirë dhe i suksesshëm sepse kjo është ajo që unë merrem prej shumë vitesh. Pastaj kush e di se cdo të ndodhë më pas?”, tha Beckham.
Puna e tij si model dhe një ikonë globale e modës e ka bërë emrin e tij të jetë një markë e njohur po aq sa aftësia që ka me topin, dhe kjo është bërë akoma më e lehtë me kalimin e viteve. Por kësaj here duket se Beckham ka zgjedhur futbollistin në vend të modelit.
Top Channel
