Pas revistës ‘France Football’ vjen një tjetër mbështetje për Iker Casillas në luftën për Topin e Artë FIFA.
Legjenda e futbollit botëror, Pele, është shprehur në një intervistë për gazetën spanjolle AS se portieri i Spanjës dhe Real Madrid duhet të vlerësohet me çmimin më të rëndësishëm individual në botën e futbollit.
“Duke marrë parasysh rendimentin e lartë të Casillas në turnetë e mëdha, mendoj se është momenti i përshtatshëm për të për fitimin e Topit të Artë edhe pse këto çmime u jepen zakonisht sulmuesve. Është një portier i madh dhe luan një rol të rëndësishëm në lojën e ekipit njësoj si ata që bëjnë gola”, thekson Pele.
Kur u pyet nëse Spanja e këtyre viteve është më e mirë se Brazili i tij, Pele deklaroi: “Janë epoka të ndryshme dhe është vështirë të krahasohen. E sigurtë është se Spanja është ekipi më i mirë në botë momentalisht. Brazili im është krahasuar me Hollandën e Cruyff, më pas me Gjermaninë e tani me Spanjën. Kjo do të thotë që kemi qenë më të mirët.”
Top Channel
