Atleti francez sulmon 14-vjeçaren pas fitores
04/07/2012 11:20
Dinamo-Laçi spektakël për një pikë, Skënderbeu fiton ndaj Erzenit dhe “ndez” garën për “Final 4” 27/04 22:55
Pas fitores në garën e 3 mijë metrave me pengesa, një atlet duhet të jetë i lumtur për arritjen e tij.
Por edhe pse fitoi medaljen e artë në kampionatin europian të atletikës në Helsinki (Finlandë), francezi Mahiedine Mekhissi-Benabbad nuk dukej aspak i kënaqur.
Pas prerjes së finishit, 27-vjeçarin po e priste një vajzë 14-vjeçare e veshur si maskoti i turneut me një çantë në dorë për t’i uruar fitoren, por francezi goditi çantën me forcë dhe i dha një të shtyrë adoleshentes.
Vajza nuk pati lëndime nga ky sulm i pakuptimtë, por video e regjistruar të dielën tashmë është në Youtube dhe pritet se çfarë do të ndodhë me atletin e pasjellshëm.
Drejtori i kompeticionit, Mika Muukka, theksoi: “Një sjellje e tillë është krejtësisht e papranueshme. Shpresojmë që një hetim i plotë të nisë sa më shpejt.”
Nuk është hera e parë që Mekhissi-Benabbad bëhet protagonist pas përfundimit të një gare. Vitin e kaluar nisi një sherr me bashkëkombasin e tij Medhi Baala pas garës së 1500 metrave në Diamond League.
Benabadd u dënua me 10 muaj pezullim për atë incident.
Top Channel
