Stina e verës rrit ndjeshëm konsumnin e ujit të pijshëm nga qytetarët,
por kjo shoqërohet edhe me abuzime në rrjetin e ujësjellësit.
Ndërmarrja e Ujësjellës-Kanalizime në Elbasan, vijon të përballet me një sëre problemesh; si thatësira në puset e ujit, lidhjet e paligjshme në rrjet, shpërdorimi i ujit në mënyrë abuzive apo mos pagesa e faturave nga konsumatorët.
Kreu i këtij institucioni, Ardian Zhidro thotë që rreth 20 % e popullsisë në Elbasan janë debitorë, duke i shkaktuar drejtorisë dëme të konsiderueshme financiare. Ndërkaq lidhjet e paligjshme në rrjet, janë një tjetër faktor që ndikon negativisht në furnizmin me ujë të pijshëm në familjet e qytetarëve, duke sjellë reduktim të orëve me furnizim të ujit.
Zhidro bën me dije se qytetarët që nuk paguajnë në kohë faturat e ujit, atëherë do t’i paguajnë ato duke përfshirë edhe kamatvonesat dhe nëse faturat nuk paguhen për një kohë të gjatë, atëherë do tu ndërpritet uji i pijshëm.
Top Channel
