Giorgios Samaras, sulmuesi i Celtic Glasgow dhe i kombëtares greke, kërkon të mos e përziejë politikën me futbollin në prag të çerekfinales Gjermani-Greqi të ditës së premte.
“Nuk mund të krahasohet futbolli me politikën. Është vetëm një lojë. Do të luajmë dhe do të mundohemi të kënaqemi sepse futbollin e kemi pasion, por e dimë që nuk luajmë vetëm për veten sespe janë 11 milionë bashkëkombas që presin një gëzim prej nesh. Duam t’i japim një arsye për të dalë në rrugë duke festuar”, theksoi Samaras.
Ndërsa Kyriakos Papadopoulos, mbrojtës i Greqisë, foli vetëm për futboll: “Tani e tutje nuk kemi asgjë për të humbur. Arritja në çerekfinale ishte objektivi ynë kryesor. Ajo që do të arrijmë nga tani do të jetë shumë e rëndësishme dhe do të japim gjithçka në mënyrë që të vazhdojmë sa më gjatë të jetë e mundur.”
“Është e rëndësishme që shumë lojtarë të skuadrës sonë luajnë në Bundesligë sepse e dimë se si luan kundërshtari”, shtoi 20-vjeçari i Schalke 04.
Top Channel
