“30 në fushë”, asnjë yll dhe e zezë. Kjo është fanela e re që do të përdoret nga skuadra e Juventusit sezonin e ardhshëm në kampionat dhe Ligën e Kampioneve.
Fanela e dytë e kampionëve të Italisë frymëzohet nga e kaluara. Në brendësi të saj shkruhet një citim i Bonipertit; “Të fitosh nuk është e rëndësishme, është e vetmja gjë që ka vlerë” (ita. Vincere non è importante è l’unica cosa che conta).
Nuk ka 3 yje, madje s’ka asnjë yll, por për të gjithë tifozët bardhezinj, në shitje do të hidhet versioni i personalizuar me 3 yje për të festuar titujt e fituar e të hequr nga federata italiane pas Calciopoli.
Fanela prej poliesteri është ndërtuar nga riciklimi i shisheve plastike, në frymën e politikave ekologjike të Nike që në këtë rast është favorizuar në kursimin e energjisë në masën e 30 përqindëshit, në krahasim nëse do të përdorej poliesteri tradicional.
Ndërkohë, sa i përket fanelës së parë, ajo mbetet tradicionalja, bardh e zi por me yllin e tretë të shtuar.
Top Channel
