Messi ka marrë pushimet pas sezonit më të mirë të tij në nivel personal. Ylli argjentinas nuk mundi të fitonte kampionatin spanjoll apo Ligën e Kampioneve, por statistikat e sulmuesit të Barcelonës janë thjesht të mahnitshme.
Ylli i katalanasve ka shënuar 82 gola në 69 takime zyrtare duke u bërë golashënuesi më i mirë i histories në një sezon. Messi ka thyer rekordet e futbollistëve si Gerd Muller (67 gola në sezonin 72-73) dhe Pele (66 në sezonin 57-58).
Messi ka shënuar 73 gola me fanellën e Barcelonës dhe 9 me atë të Argjentinës.
Në listën e golashënuesve më të mirë në historinë e kombëtares, Messi renditet i katërti me 26 gola. Më shumë se ai kanë shënuar Maradona (34), Crespo (35) dhe Batistuta (56).
Gjithashtu Messi ka dhënë plot 39 pasime për gol dhe ka goditur 19 herë shtyllat apo traversat e portave kundërshtare.
Top Channel
