Gjermania, Lahm do të luajë në të majtë
07/06/2012 16:30
Gjysmëfinalja e Champions League, Bayern dhe Real ndahen në paqe në “Allianz Arena”, gjithçka vendoset në Bernabeu 30/04 22:50
Joachim Low ka bërë të ditur se kapiteni i Gjermanisë Philip Lahm do të përdoret si mbrojtës i majtë gjatë gjithë EURO 2012.
Në mediat gjermane kishte lindur një debat i fortë mbi pozicionin e mbrojtësit të djathtë të Bayern Munchen. Disa mendojnë se është më mirë të luajë i djathtë si tek klubi bavarez, ndërsa disa të tjerë janë për opsionin e krahut të majtë, ku ka luajtur kohët e fundit me kombëtaren.
“Do të luajë mbrojtës i majtë. Është pozicioni ku kemi punuar me të prej dy vitesh dhe nuk ka asnjë arsye pse të ndryshojë”, theksoi tekniku i Gjermanisë.
Problemi është se Low ka një problem në krahun e djathtë të mbrojtes. Jerome Boateng është mbrojtës qendre dhe nuk i jep garanci të mjaftueshme për mbulimin e atij roli. E njëjta gjë mund të thuhet për Howedes.
Ditën e mërkurë trajneri ka provuar në stërvitje mesfushorin Lars Bender në këtë rol.
Top Channel
