Një leopard fitoi vëmendjen e mediave dhe publikut në Indinë Veriore, pasi një operacion i gjerë shpëtimi u organizua për ta nxjerrë nga një rezervuar në të cilin përfundoi gabimisht.
Macja e egër, në Sangatram, humbi rrugën dhe përfundoi në pellgun me ujë, i ndarë nga toka nga një digë pingule me ujin prej shtatë metrash.
Një skuadër zjarrëfikësish mbërriti disa minuta pas ngjarjes, duke u përpjekur të asistonte leopardin që notonte me vështirësi dhe i perfshire nga paniku.
Ideja e parë ishte ajo e hedhjes së një litari, por kafsha i qëndroi larg, pa e kuptuar se po i hidhej një mjet rrugëdalje.
Qartësisht, askush prej zjarrëfikësve nuk mund të kryente një operacion normal shpëtimi, ku do të ishte ai që do të zhytej në ujë duke tërhequr kafshën, për shkak të rrezikshmërisë që do të paraqiste ku operacion për jetën.
Në këto kushte, ndërsa macja rezistonte mbi ujë me fuqitë e saj të fundit, dikush solli një shkallë, që rezultoi edhe rruga e shpëtimit për leopardin.
Pasi shkalla zbriti deri në ujë, sakaq macja u ngjit në të, duke u rikthyer menjëherë në jetën e egër.
Top Channel
