Balotelli: Dua të fitoj Topin e Artë
29/05/2012 15:15
Nga Superiorja në Conference League, katër arbitra shqiptarë do të vendosin drejtësi në duelin europian 26/11 16:12
“E di që mund të luftoj për Topin e Artë dhe dua ta fitoj këtë çmim.” Kështu është shprehur Mario Balotelli për revistën ‘France Football’ që ka themeluar çmimin që vlerëson çdo vit futbollistin më të mirë të botës.
“Mendoj se jam një gjeni dhe jo një rebel. Talenti që më ka dhënë Zoti është i bukur, por edhe i ndërlikuar sepse duhet të përballesh me shumë njerëz. Ëndërroj të bëhem futbollisti më i mirë që është parë ndonjëherë, por më duhet ende shumë punë”, thekson sulmuesi i kombëtares italiane dhe Manchester City.
Në lidhje me zërat e merkatos që e “përndjekin” pothuajse çdo sezon, Ballotelli deklaron: “Do të më pëlqente të qëndroja tek City dhe besoj se aty do të vazhdoj karrierën, por duhet të pyesni agjentin tim. Mancini (trajneri i klubit anglez) më njeh që kur isha fëmijë dhe jemi miq. Gjithmonë ka pasur besim tek unë edhe pse nuk e ka të lehtë kur përditë në mediat angleze shkruhen budallallëqe për mua.”
Top Channel
