Kostoja e tragjedive rrugore

Në një raport të tre viteve më parë, Banka Botërore vlerëson se kostot e humbjes së parakohshme të jetëve në aksidentet rrugore arrijnë deri në 1.5 për qind e Prodhimit të Përgjithshëm Kombëtar.

Kostoja ekonomike për çdo aksident me pasojë vdekjen varion nga njëri vend në tjetrin, duke qenë më e madhe në vendet me të ardhura të larta.

Në Bashkimin Europian, kostoja mesatare për çdo person që humb jetën në aksident rrugor llogaritet sipas Komisioonit Europian në 1 milionë euro.

30 për qind e kësaj kostoje vjen nga shpenzimet direkte që shoqërojnë aksidentin, si mjekimi, riparimi i mjeteve të aksidentuara e deri tek përfshirja e policisë, ndërsa pjesa dërrmuese prej 70 për qind vjen nga prodhimi i munguar ekonomik i atyre që humbasin jetën.

Për Shqipërinë, Banka Botërore përllogarit se kostoja për çdo vdekje në aksident rrugor është mbi 475 mijë dollarë dhe në vitin 2007, 277 aksidentet i kushtuan ekonomisë rreth 300 milionë dollarë.

Numri i aksidenteve ka ardhur në rritje nga viti në vit. Në vetëm dy vjet, nga 2007 në 2009, shifra e vdekjeve si pasojë e aksidenteve rrugore u rrit me rreth 77%, duke arritur në 491 vetë.

Ekspertët e Bankës vërejnë se Shqipëria, ashtu si vendet e tjera me të ardhura të ulëta dhe të mesme duhet duhet të ndërhyrjë në mënyrë urgjente për të financuar sigurine rrugore, pasi kosto e dëmeve të shkaktuara nga aksidentet është shumë herë më e lartë se shpenzimet që duhet të kryeje qeveria për të mbrojtur jetën e qytetareve.

Top Channel