Lucio do të përfundojë aventurën e tij me Interin për tu rikthyer në Brazil. Lajmin e ka bërë të ditur për mediat italiane agjenti i qendërmbrojtësit brazilian.
“Lucio kërkon të ndryshojë ambient. Këtë gjë ia kemi njoftuar klubit dhe drejtuesit kanë pranuar”, theksoi agjenti.
Futbollistit 34-vjeçar nuk i mungojnë ofertat. Sipas ‘Globoesporte’ e ardhmja e tij do të jetë në Brazil me fanellën e Internacional të Porto Alegre.
“Do të më pëlqente rikthimi i tij, por për momentin nuk ka asgjë konkrete. Të shohim se si do të shkojnë gjërat”, u shpreh drejtori sportiv i klubit brazilian, Fernandao.
Top Channel
