Rënia në një kategori më poshtë është gjithmonë e dhimbshme për lojtarët e një skuadra futbolli, e aq më tepër kur bëhet fjalë për kapitenin e skuadrës.
Skuadra holandeze, De Graafschap ra matematikisht një kategori më poshtë, pas barazimit 1-1 me Den Bosch. Pas këtij rezultati, kapiteni i skuadrës, Roger Meijer ndjen peshën më të madhe të fajit dhe të përgjegjësisë.
Ai ulet në fushë, e në portret duket qartë hidhërimin për rezultatin. Por për ta ngushëlluar mendon vajza e tij, jo më shumë se 6 vjeç. Vogëlushja bjonde, me një fanelë të skuadrës së babait të saj, futet në fushën e gjelbërt dhe mundohet të ngushëllojë të atin, me njërën dorë në sup e “dy fjalë”.
Pamjet po qarkullojnë në Holandë duke i bërë jehonë magjisë së futbollit, si një sport që duhet të ngjallë gjithmonë gëzim…tek e fundit, gjithmonë ka një fitues, por edhe një humbës.
Top Channel
