Harabeli “spiun†i Izraelit
16/05/2012 19:05
A do të ishe ndryshe po të ishe rritur në një vend tjetër? Çfarë thotë shkenca? 10/02 08:16
Një zog migrues ka ngjallur alarm në një fshat në juglindje të Turqisë, pasi banorët besojnë se ai përdoret për qëllime spiunazhi nga ana e agjenturës izraelite.
Dyshimet e banorëve u ngjallën pasi zogu, i ngjashëm me një harabel të zakonshëm, u gjet i ngordhur në një fushë, me një pajisje të vogël metalike të lidhur pas trupit.
Sipas vendasve, pajisja e vogël metalike në fakt është një mikroçip i përdorur nga “Mossad” për të spiunuar.
Ekspertë qeveritarë mbërritën në vendin e denoncuar, pranë qytetit të Gaziantepit dhe morën shpendin, për ta ekzaminuar me detaje në një klinikë të specializuar.
Pajisja e zbuluar u cilësua në fakt vetëm një unazë e përdorur për qëllime shkencore, në mënyrë që të studionte rrugën e zogjve gjatë migrimit të tyre.
Megjithatë, mosbesimi i thellë i popullsisë, që ndikohet lehtë nga teoritë e konspiracionit, sidomos nga ana e Izraelit, ka krijuar një mani për të qëlluar ndaj këtyre zogjve, të cilët shihen si mbartës të pajisjeve spiunuese izraelite.
Top Channel
