Moto GP, Rossi: Nuk tërhiqem nga garat
08/05/2012 16:50
Derbi do luhet me tifozë, FSHF “fal” me llogari Tiranën para Partizanit 25/11 16:26
Valentino Rossi nuk do të largohet nga garat e Moto GP në përfundim të këtij sezoni. Vetë piloti italian është shprehur se lajmet që qarkullojnë në mediat britanike janë të gjitha sajesa.
“Nuk kam ndërmend të tërhiqem në fund të këtij viti, është një lajm i rremë”, ka shkruar kampioni veteran në Twitter duke iu përgjigjur kështu një lajmi të publikuar nga ‘Telegraph’, sipas të cilit Rossi do të largohet nga Moto GP kur t’i përfundojë kontrata me Ducati (në vitin 2012).
“Shpesh në gazeta shkruhen gjëra të pavërteta dhe kjo ndodh në mënyrë që të rritet shitja e tyre. Mos e harroni këtë!” shtoi Valentino Rossi në rrjetin shoqëror.
Më tej, nëntë herë kampioni i botës në garat me motora, shtoi me shaka: “Unë çdo vit tërhiqem, çdo vit bëhem baba dhe çdo vit nënshkruaj kontratë me Ferrarin.”
Valentino Rossi është në sezonin e dytë me skuderinë italiane Ducati dhe në asnjë moment nuk ka arritur të përshtatet me motorin duke arritur rezultate zhgënjyese.
Top Channel
