Greqi, makthi i mosqeverisjes

Grekët, me voten e tyre kane denuar sistemin dypartiak, duke bere qe partite e koalicionit qeveritar PASOK dhe Demokracia e Re, te humbasin shumicen e vendeve ne Parlament.Sipas rezultateve zyrtare, konservatoret kane mundur te perqendrojne vetem 18.9 % te votave,te ndjekur nga surpriza e ketyre zgjedhjeve Aleanca e se Majtes Radikale me 16.8%, ne shifrat me te mira te saj prej 1954. Goditjen me te forte qysh prej 1974 kane marre socialsitet qe jane renditur ne vend te trete me 13.2%.Per nje qeveri te Shpetimit Kombetar kane bere thirrje lider i konservatoreve Samaras dhe ai i socialisteve Venizellos.

“Jemi gati te marrim pergjegjesine e krijimit te nje qeverie te shpetimit kombetar.Me dy ambicie te percaktuara, qe vendi te ngelet ne Eurozone dhe te ndryshohen politikat e marreveshjes se shpetimit ne menyre qe te kemi zhvillim dhe lehtesim te jetes se qytetareve”, thotë Andonis Samaras, lideri i Demokracisë së Re.

“Duhet nje qeveri e shpetimit kombetar me pjesëmarrjen e te gjitha forcave, pa perjashtim qe kane deklaruar orientimin e tyre europian, pavaresisht qendrimit te tyre, persa i perket programit te shpetimit dhe se çfare ai nenkupton”, thotë Evangjelos Venizellos, lideri i PASOK-ut.

Por askush prej pese partive te tjera qe kane hyre ne Parlament nuk mbeshtet zgjedhjen e tyre. Lideri i se Majtes Radikale, Aleksis Tsipras ka theksuar se greket kane çuar nje mesazh drejt Brukselit dhe Berlinit per mospajtimin me politikat e tyre te masave shtrenguese dhe  ka bere thirrje per nje qeveri te koalicionit te majte,fakt qe ska gjetur mbeshtetje nga komunistet greke.

“Jemi te sigurte qe greket kane çuar nje mesazh te fuqishem ne gjithe Europen per te ndryshuar drejtimin e vendit.Nuk ka asnje vend per marreveshjen barbare te shpetimit ne ecurine tone europiane”, thotë Aleksis Tsipras, lideri i Aleancës së të Majtës Radikale.

Mospjesëmarrja rekord prej gati 35% ne zgjedhje dhe rezultati i tyre ka krijuar nje udhekryq politik ne vend, pasi as partite qe jane pro reformave europiane dhe as ato qe jane kunder nuk mund te krijojne qeveri. Reagime ne opinionin publik dhe shqetesime ne radhet e emigranteve ka shkaktuar deklarata e liderit te partisë neonaziste, qe per here te pare hyn ne Parlament me 7% te votave.

“Të gjithe emigrante jashte, jashte vendit tim, jashte shtepise sime”, thotë Nikos Mihaloliakos, lideri i Chrisi Avgji.

Me shqetesim kane komentuar perfundimin e zgjedhjeve greke zyrtare te FMN-së dhe BE-së, te cilet kane deklaruar se Greqia duhet te vazhdoje zbatimi e masave shtrenguese,me masa te reja ne muajin qershor.Por qe te zbatohen keto masa duhet nje qeveri dhe dicka e tille eshte ende e pamundur te krijohet ne kushtet e reja politike te Greqise.
 

Top Channel