Profilet e kandidatëve serbë

Me profesion është psikolog. Ka punuar si shitës gazetash, ka qenë model, ka punuar psikolog ushtarak, ka prodhuar lodra për fëmijë, profesor gjimnazi, ministër i telekomunikacionit, ministër i mbrojtjes dhe më pas president i shtetit.

Është një nga politikanët më të shpërblyer me çmime të ndryshme për demokraci dhe lidership.Ka shërbyer dy mandate si president për të dhënë dorëheqje në postin e tij për tu futur një vit para mandatit në garën zgjedhore. Ndryshimi i kushtetutës ia mundëson edhe një mandat.

Ka kërkuar falje për masakrën e Srebrenicës dhe e ka vizituar dy herë këtë vend. Është kritikuar se ka bërë kompromise dhe e ka kthyer vendin në një gjendje varfërie, tensionesh dhe ka lejuar rritjen e nacionalizmit. Megjithatë, për mandatin e fundit ka arritur heqjen e vizave dhe ta bëj vendin kandidat për në BE.

Ka deklaruar se Serbia kurrë nuk do ta njoh pavarësinë e Kosovës, por ka bërë thirrje për pajtim historik mes shqiptarëve dhe serbëve.

Është i biri i filozofit dhe akademikut, Ljubomir Tadic. Flet anglisht, italisht, frëngjisht. Ndërsa bashkëshortja e tij e parë është tashmë murgeshë në Patriarshinë e Pejës. Me gruan e dytë ka dy fëmijë.

Nicolic, njeriu që luhat politikën serbe

Tomisllav Nikolic, i lindur në Serbinë qendrore në vitin 1952, në politikë është prej më shumë se 20 vjetësh. I njohur dikur për radikalizmin e thellë, patriot e që pajtohej për Serbinë e madhe, tani i takon njerëzve që besojnë në integrimet evropiane.

Kumbar shtëpie me radikalin, Vojisllav Sheshel, nga i cili u nda dy vjet më parë për shkak të ndryshimeve politike.

Adresë e diplomatëve perëndimorë, shihet si njeri që mund ta njohë pavarësinë e Kosovës dhe si njeri që nuk do ta radikalizojë Serbinë më shumë.

Ka kandiduar tri herë për president të Serbisë, një herë të Jugosllavisë, ndërkaq kjo është hera e pestë. Ka qenë  deputet në kuvend në çdo mandat që nga pluralizmi. Në zgjedhjet e vitit 2008 në raundin e parë ka fituar 39 për qind të votave si i pari kandidat, por ka humbur kundrejt demokratit Boris Tadic në raundin e dytë.

Në vitin 2007, ka qenë kryetar i Kuvendit të Serbisë për pesë ditë. Njihet si Toma Grobar apo Toma varrtari pasi ka qenë drejtor i varrezave në qytetin e lindjes, në Kragujevc.

Ka qenë i afërt me Sllobodan Milloshevicin, por socialistët e kanë dënuar me tre muaj burg në vitin 1995 që i ka vuajtur në qytetin e Gjilanit, në Kosovë.

Së fundmi ka deklaruar se është diplomuar dhe në magjistruar për menaxher, ndonëse është akuzuar se e ka blerë diplomën.
 

Top Channel