Gruaja sulmohet nga gepardi, shpëton për mrekulli
04/05/2012 17:40
Për herë të parë prindër, çifti i njohur i këngëtarëve shqiptarë japin lajmin e ëmbël 24/11 17:59
Një grua britanike u sulmua nga dy gepardë në një park natyror të Afrikës së Jugut dhe shpëtoi mrekullisht vetëm sepse ndenji pa lëvizur gjatë tërbimit të grabitqarëve.
60-vjeçarja ndodhej në një park ku turistët kanë mundësinë të afrohen dhe të përkëdhelin kafshët e egra kur ndodhi incidenti. Gruaja nga Aberdini pësoi dëmtime në kokë, stomak dhe në të dyja këmbët, por asnjë nga plagët nuk ishte e rëndë.
“Ishte e tmerrshme. Për një moment po përkëdhelja dy gepardët dhe papritur isha e shtrirë në tokë dhe po ndjeja dhëmbët e tyre në kokë. Ndodhi shumë shpejt. Bëra si e vdekur ndërkohë që po më kafshonin në stomak dhe në këmbë”, shprehet 60-vjeçarja për ‘Daily Mail’.
Pjesa e parkut Kragga Kamma ku turistët mund t’i afrohen kafshëve të egra është mbyllur dhe kanë nisur hetimet mbi incidentin. Në këtë park gjenden rinocerontë, xhirafa, zebra e shumë lloje të tjera kafshësh.
Top Channel
