Fitore për Juventusin dhe Milanin në Novara dhe Siena, duke mbajtur distancën edhe pas javës së 35-të në plus 3 pikë me njëra-tjetrën.
Bardhezinjtë dominojnë 4-0 ndaj Novarës me gola të Vucinic në minutat 16’ dhe 64’, Borriello në të 40-ën dhe Vidal 50’.
Kuqezinjtë nga ana tjetër kalojnë Sienën me Kasanon që kthehet me gol në të 26-ën dhe tre minuta më pas me Ibrahimovic i cili do të shënonte edhe në përfundim të takimit. Plotëson listën e golashënuesve Nocerino në të 90-ën.
Golin e nderit për të zotët e shtëpisë e shënoi lojtari i kombëtares shqiptare Erjon Bogdani në minutën e 83-të, i cili tashmë e ka bërë zakon golin ndaj skuadrave të mëdha.
Fitoi edhe Interi ndaj Cesenës, e cila nuk ruajti dot avantazhin e krijuar në minutën e 57-të me Cecarellin. Për zikaltërit shënuan Obi në të 59-ën dhe Zarate në të 72-ën minutë.
Në dy takimet e tjera, Atalanta fitoi ndaj Fiorentinës 2-0 dhe Leçe humbi ndaj Parmës 1-2.
Top Channel
