Romanca në marrëdhënien në çift udhëhiqet në të shumtën e herëve nga femra. Ky është rezultati i studimit 3-vjeçar të bisedave dhe mesazheve telefonike mes personave të dashuruar në Britaninë e Madhe.
Femrat telefonojnë të dashurin, të fejuarin apo bashkëshortin e tyre më shpesh se çdo person tjetër, edhe kur bëhet fjalë për vite të tëra martesë. Bashkëshorti është pika e tyre e referimit deri në kohën kur fëmija e tyre bëhet prind, pas kësaj, në vëmendje të femrave janë këta të fundit.
Ndërkohë, meshkujt tregojnë “interes” për të dashurën, të fejuarën apo bashkëshorten e tyre në 7 vitet e para të lidhjes, më pas fokusojnë vëmendjen tek miqtë.
Udhëheqësi i studimit, profesori Robin Dunbar, nga shkencat sociale në universitetin Dunbar në Oksford, thotë se kjo është prova më e fortë që romanca në një lidhje, udhëhiqet nga femra.
Në studim u analizuan 3 milion mesazhe telefonike, zanore dhe me tekst.
Top Channel
