Ronaldo: Nuk më shkon në mendje dështimi

“Dështimi nuk më shkon në mendje, kam shumë besim se do të arrijmë të fitojmë titullin kampion”, deklaroi sulmuesi portugez pas fitores 1-4 në “Vicente Calderon”.

Por, Cristiano Ronaldo tregohet i kujdesshëm: “Nuk mund të mendojmë që e kemi fituar titullin sepse 4 pikë avantazh nuk janë shumë. Kemi edhe ndeshjen në Barcelonë e pas asaj do të luajmë ndeshje të tjera të vështira. Barcelona fitoi takimin e saj dhe ne e dinim që duhet të fitonim me patjetër dhe fatmirësisht arritëm suksesin.”

Gjithashtu sulmuesi foli edhe për 40 golat e tij të shënuara në këtë kampionat me të cilët ka barazuar rekordin e sezonit të shkuar: “Rekordet janë për tu thyer, por unë nuk kam këtë qëllim. Unë dua trofe me Realin dhe për këtë po punoj së bashku me shokët e ekipit. Duam të fitojmë titullin kampion në Spanjë dhe Ligën e Kampioneve.”

Reali fiton derbin e Madridit

Real Madrid është fituesi i derbit madrilen. Skuadra e Mourinhos mundi 4-1 Atletikon falë një Super Cristiano Ronaldo.

Portugezi zhbllokoi rezultatin në minutën e 25-të me një goditje dënimi. Portieri dhe lojtarët e Atletikos nuk bënë gjë tjetër vecse e soditën gjuatjen e Ronaldos. Me fillimin e të dytës Atletiko barazon me Falcaon, gol që ia vështirësoi punën Realit. Por është sërish Ronaldo i cili me një supergjuatje ndërshkon sërish Atletikon.

Në minutën e 83-të portugezi shënoi me 11-metërsh, ndërkohë që në fund Kajehon vulosi fitoren.

Kështu madrilënet e Mourinhos mbajnë në 4 pikë diferencën me Barcelonën e vendit të dytë, skuadër me të cilën do të ndeshet pas 2 javësh në “Kamp Nou”.

Top Channel