Presidenti Topi në Turqi
12/04/2012 22:50
Begaj vijon takimet për datën e zgjedhjeve/ Sot janë përfaqësuesit e PS e PD dhe kreu i KQZ 25/11 10:31
Presidenti i Republikës Bamir Topi, mori pjesë në punimet e ‘Seancës së Presidentëve’ me temë “Uria, varfëria, papunësia”, që po mbahet në Izmir të Turqisë.
Sic njofton zyra e shtypit në presidencë, Kreu i Shtetit në fjalën përshëndetëse tha se “viktima të pafajshme të krizës financiare dhe ekonomike globale ranë njerëzit me të ardhura të pakta ose pa të ardhura”.
Presidenti, theksoi se “ekonomia e Shqipërisë është përmirësuar në mënyrë të dukshme gjatë dekadës së fundit”, se “reformat në zhvillimin e infrastrukturës, mbledhja e të ardhurave tatimore dhe administrimi i biznesit kanë bërë progres”.
Në përfundim të fjalës, Presidenti Bamir Topi deklaroi se “ne duhet të përpiqemi më shumë që ta ndryshojmë të ardhmen e njerëzve që vuajnë nga uria dhe të keq ushqyerit, nga varfëria dhe papunësia sepse ndryshimi është ligj i jetës që kërkon ndryshimin e veprimeve tona për të ardhmen e afërt dhe më tej”.
Top Channel
