Tragjedia në Rusi, akulli rrëzoi avionin
03/04/2012 16:25
Tronditëse në Itali, kryebashkiaku vihet nën hetim për dhunë ndaj gruas së tij 21/12 15:27
Hetuesit rusë kanë përjashtuar një defekt në motorë si shkak të aksidentit që rrëzoi një avion të hënën, duke i marrë jetën 31 personave.
Sipas hetimeve paraprake, ka më shumë gjasa që rrëzimi të jetë shkaktuar nga akulli në krahët e avionit. 12 të mbijetuar janë duke u kuruar në një spital në qytetin e Tiumenit, në Siberinë Perëndimore, pasi avioni me të cilin do të udhëtonin u përplas vetëm 40 sekonda pas nisjes.
Mediat ruse informuan se është vërtetuar se motorët e avionit ATR 72-200, ndërtuar nga një kompani franko-italiane 21 vjet më parë, ishin duke punuar deri në momentin e përplasjes.
Presidenti i kompanisë që operonte avionin, “UTair”, Andrei Martirosov, informoi se flota e avionëve të të njëjtit lloj që zotëron kompania nuk do të përdoret deri në pëfundimin e hetimeve. Ai citoi “arsye psikologjike” për marrjen e këtij vendimi.
Pas ngritjes nga toka, avioni arriti të ngjitej deri në lartësinë e 210 metrave, përpara se të anohej 35 gradë nga e djathta e të kthehej në mënyrë brutale në 50 gradë nga e majta, veprim që solli edhe përplasjen me terrenin.
E përditshmja “Kommersant” spekuloi se aksidenti mund të jetë shkaktuar nga vendimi apo harresa e kapitenit për të kërkuar spërkatjen e avionit me lëngun anti-akull, përpara nisjes së tij në një destinacion tjetër në Siberinë Lindore.
Gjithashtu, është spekuluar se përgjegjësia mund të jetë e dy pilotëve të rinj, 27 dhe 23 vjeç, por sipas Martirosov, ata kishin mbi 2 500 orë në drejtimin e avionëve “ATR 72-200” dhe ishin tërësisht të kualikuar për kryerjen e detyrës që i kërkohej.
Rusi, 32 viktima nga rrëzimi i aeroplanit
Një aeroplan rus pasagjerësh me 43 persona në bord është rrëzuar në Siberi pak pas ngritjes në fluturim duke shkaktuar 32 viktima dhe 11 të plagosur.
Aeroplani ATR-72 ishte nisur nga Tyumen dhe kishte destinacion qytetin Surgut. Sipas BBC, në bord gjendeshin 39 pasagjerë dhe 4 pjesëtarë të ekuipazhit. Nuk dihet ende se çfarë e shkaktoi rrëzimin e avionit.
Pesë nga të mbijetuarit janë në gjendje kritike për jetën, sipas agjensisë ruse të lajmeve RIA.
Ministria e Transportit ka nisur një hetim për incidentin dhe ministri ndodhet në vendngjarje. Kutia e zezë është gjetur dhe pritet që të zbardhet shkaku i aksidentit.
Top Channel
