Sulmi në Aukland, objektiv drejtuesit e universitetit
03/04/2012 16:30
Tronditëse në Itali, kryebashkiaku vihet nën hetim për dhunë ndaj gruas së tij 21/12 15:27
Personi që qëlloi dhe vrau shtatë persona në një Universitet të Okland, kishte në shenjestër një prej drejtuesve të shkollës. 43-vjecari One L. Goh nisi të qëllojë pa asnjë dallim kur zbuloi se administratorja nuk ndodhej aty. Ai kishte disa javë që po përgatiste sulmin.
Autori, i arrestuar pak orë pas sulmit në një supermarket në një qytet fqinj të Auklandit, ku ndodhi masakra, u identifikua më pas si L. Goh me origjinë koreano-jugore.
Të shtënat nisën ditën e hënë, kur 43-vjeçari, ish-student në këtë universitet, krejt papritur ka nisur të hapë zjarr në ambjentet shkollore.
Hetuesit amerikanë mundën të zbulojnë se shkak i sulmit ishte “keqtrajtimi” ndaj autorit në kohën kur ai ishte student në këtë universitet, i njohur si universitet koreano-jugor.
“Zbuluam se i dyshuari ishte i nxehur me administratën e shkollës dhe me studentët në kohën kur ndiqte studimet për shkak të keqtrajtimit dhe mungesës së respektit që ai pretendonte ndaj tij”, thuhet në deklaratën e hetuesve amerikanë.
Gazeta “San Francisco Cronicle” raporton se 43-vjecari ishte dëbuar muaj më parë nga Universiteti Oikos për probleme me sjellen. Shumë studentë e kishin vënë në lojë për fjalorin e cunguar në anglisht.
Universiteti i Oikos është një institucion privat fetar që ofron kurse në teologji, muzikë dhe infermieri. Pamjet televizive pas sulmit treguan njerëz të plagosur duke dalë nga ndërtesat. Departamenti i Zjarrit të Aukland tha se njoftimi i parë për të shtënat mbërriti në 10:50 me orën lokale.
Goh akuzohet për vrasje, tentativë vrasje, pengmarrje dhe vjedhje makinash. Të mërkurën, akuzat do të shpallen zyrtarisht.
Top Channel
