Rusi, Stalini në fletoret shkollore
02/04/2012 17:10
Rrëzimi i avionit në Lituani, ngrihen dyshime se mund të jetë i lidhur me sabotim 25/11 22:20
Një sërë polemikash kanë shpërthyer në Moskë për vendosjen e portretit të Stalinit në kopertinat e fletoreve shkollore, të cilat kanë dalë për shitje në treg.
Shumë vetë kanë protestuar me argumentin se po rrezikohet kthimi në mit i figurës së diktatorit mes brezave të rinj post-sovietikë.
Iniciativa, sipas shtypit rus, ka qenë e shtëpisë botuese ukrainase “Alt”, që ka futur figurën e liderit komunist në një zinxhir kushtuar emrave të mëdhenj të Rusisë, përkrah perandores Katerian e Madhe, gjeneralit Kutuzov, kompozitorit Rakhmaninov dhe kozmonautit Koroliov.
“Babai i të gjithë popujve” është portretizuar me uniformë, me medialje dhe dekorime. Në faqen e fundit të fletores nuk harrohet të kujtohet, ndonëse me shifra të reduktuara, se gjatë epokës staliniane u pushkatuan 640 mijë persona, ndërsa 2.5 milionë të tjerë u mbyllën në burgjet famëkeqe, të njohur ndryshe si gulag.
Por në të njëjtën kohë nënvizohet se me Stalinin lindi industria e fuqishme sovietike dhe ushtria e vendit u bë një ndër më të fortat në të gjithë botën.
Ideja e shtëpisë botuese u ka pëlqyer vetëm komunistëve, ndërsa në përgjithësi ka shkaktuar pakënaqësi dhe reagime negative në radhët e popullsisë.
Top Channel
