Shenja përmirësimi për Muambën
19/03/2012 21:35
“Roma e meritoi kualifikimin”, Pioli i sinqertë 19/04 10:01
Fabrice Muamba, futbollisti i Boltonit që pësoi një infarkt në fushën e lojës të shtunën, mbetet në gjendje të rëndë, por situata e tij po përmirësohet.
Burimet spitalore konfirmuan të martën se 23-vjeçari me origjinë kongoleze arrin të lëvizë gjymtyrët, ndërsa ka arritur të njohë familjen. Gjithashtu, zemra e tij arrin të punojë pa ndihëm e aparaturave.
Pasi pësoi infarktin në minutën e 42’ të ndeshjes së Kupës së Anglisë ndaj Totenhamit, Muamba mbeti për disa minuta pa puls dhe u rikthye në jetë nga goditjet elektrike në gjoks.
Mjekët i frikësoheshin dëmtimeve të parikthyeshme në tru, por fakti që lojtari arrin të njohë të afërmit është një lajm shumë i mirë. Megjithatë, nëse funksione të ndryshme të trurit janë prekur, kjo do të konfirmohet vetëm pas disa ditësh.
Në një komunikatë të publikuar nga klubi i Boltonit, thuhej se “Fabrice është duke treguar shenja të vazhdueshme përmirësimi. Megjithatë, gjendja e tij mbetet serioze dhe vazhdon të mbetet në monotorim”.
Top Channel
