“Kundërpeizazhi” i Shimës
08/03/2012 22:55
Alba akuzon rëndë Meri Shehun, astrologia braktis studion pas sherrit 24/11 18:38
Kundërpeisazh, quhet ekspozita vetiake e piktorit Orion Shima, e cila u hap për publikun në Galerinë Kombëtare të Arteve në Kryeqytet.
Rreth 30 punime të ekspozuara, formojnë një përmbledhje komplekse. Pikturat e Shimës janë njëkohësisht bashkëkohore dhe pa kohë. Të krijuara në mënyrë konceptuale, ato formojnë një cikël, i cili e merr frymëzimin nga fëmijëria e autorit dhe vendet magjike të imagjinatës së tij të atëhershme.
Kjo është edhe ekspozita e tretë vetiake e autorit. Ajo përmbledh punime të 10 viteve të fundit të krijimtarisë së Orion Shimës.
Elementët kryesorë që spikasin janë djali, dreri, fluturat dhe natyra. Kjo e fundit herë e pasqyruar në tërë koloritin e saj rrëzëllitës dhe herë e zymtë dhe e zhveshur nga ngjyrat, por jo më pak realiste dhe e magjishme.
Piktura e Shimës të con në një botë, ku realja dhe ëndërra bashkëjetojnë në harmoni me njëra-tjetrën dhe përcon tek publiku një ndjesi të vecante, duke materializuar në veprat e tij, imagjinatën dhe nostalgjinë për të kaluarën.
Top Channel
