F1, Vettel: I kënaqur me makinën e re
09/02/2012 20:40
Dhjetë lojtarë mjaftojnë, Roma merr tri pikët ndaj Genoa-s në “Olimpico” 19/05 22:54
Sebastian Vettel, piloti kampion bote i Red Bull, është shprehur i kënaqur me makinën e re RB8 pas përfundimit në vend të tretë të testeve zyrtare në pistën spanjolle të Jerez.
“Kisha dy muaj pa pilotuar dhe në xhirot e para mu desh të ambientohesha pak dhe të fitoja ritëm, por makina është aq e mirë sa e prisnim”, deklaroi piloti gjerman.
“Jam i kënaqur edhe pse kishim disa probleme të vogla, por këto gjëra janë normale kur flitet për një makinë të re”, shtoi Vettel.
Në ditën e tretë të provave parasezonale në pistën e Jerez, koha më e shpejtë u regjistrua nga Nico Rosberg (Mercedes GP), ndërsa në vend të dytë përfundoi Romain Grosjean (Lotus).
Vetëm vendi i shtatë për Fernando Alonson me Ferrari.
Top Channel
