Paradis e Moore, yjet e rrezikuara nga anoreksia

Moore pas një periudhe të mbushur me stres nga divorci dhe Paradis gjithashtu pas lamtumirës nga Johnny Depp.

Alarmi i anoreksisë së Demi Moore u dha disa muaj më parë, fill pas publikimit të lajmit të divorcit të saj dhe tani aktorja është e shtruar në një klinikë për të tejkalur problemet me stresin dhe dobësinë ekstreme, e cila i ka rrezikuar shumë shëndetin.

Edhe Vanessa Paradis vuan të njëjtat pasoja nga ndarja me Depp dhe në premierën e filmit të saj të fundit është shfaqur më e dobët se kurrë.

Por këto janë vetëm dy të famshmet që këto muajt e fundit po përballen me probleme të mëdha. Për shkak të telasheve në jetën e tyre në ccift apo jo, janë të shumta femrat e famshme të cilat kanë rënë preh e anoraksisë.

Rosie Huntinghton e fotograguar së fundmi me bikini është shfaqur tepër e dobësuar. Kjo listë pasurohet edhe më shumë nga Elisabetta  Canalis, Letizia Ortiz, Angelina Jolie dhe Eva Herzigova.

Por nëse për dy të famshmet që e kryesojnë këtë listë, dobësinë e kanë si pasojë e telasheve në jetën private dhe ndarjeve pas periudhave të gjata bashkëjetese, modelja Rosie Huntinghton nuk ka probleme të tilla, jeton një histori të lumtur me të fejuarin e saj, por megjithatë fiziku i saj përherë i dobët, këtë herë ishte në kufijtë e një anoreksie të theksuar.

Ndërsa Canalis e shpjegon dobësinë e saj si gjenetike. “Ha si një mashkull por për fatin tim të keq nuk shtoj dot asnjë kilogram”, ka shkruar bukuroshja italiane në profilin e saj në Twitter. Edhe supermodelja Eva Herzigova është shfaqur së fundmi më e dobësuar se kurrë, por jo për shkak të telasheve në jetën private.

Listës të të famshmeve të cilat shfaqin elegancë në kufijtë e një anoraksie ekstreme nuk i mungojnë asnjëherë Letizia Ortiz dhe bukuroshja e Hollivudit Angelina Jolie.

Top Channel