Demi Moore shtrohet në spital
25/01/2012 08:50
Selena Gomez ka kryer gjashtë muaj kurs të gjuhës spanjolle? Arsyeja do t’ju mahnisë 23/11 22:09
Demi Moore është shtruar në një klinikë të Los Angeles për shkak të stresit. Sipas agjentit të aktores 49-vjeçare, divorci me Ashton Kutcher i ka shkaktuar asaj një lodhje të tejskajshme psikologjike.
“Për shkak të stresit që po kalon në këto momente, Demi ka zgjedhur të marrë ndihmën e mjekëve specialistë për t’u kuruar dhe për të përmirësuar gjendjen e saj shëndetësore”, është shprehur Carrie Gordon për mediat amerikane.
Ky ka qenë shpjegimi zyrtar, por sipas ‘TMZ’, aktorja e famshme po kurohet për abuzime me drogën. Sipas ‘E!’, Moore ka qenë në shoqërinë e një mikeshe në momentin kur ka filluar të dridhej.
Një javë më parë, e pranishme në mbrëmjen e shpërndarjes së çmimeve “Golden Globe” së bashku me të bijën e saj, Rumer Willis, Moore u duk se fshihte nën fustanin e saj elegant vetëm një grusht kockash dhe asgjë më shumë.
Ndonëse aktorja 49-vjeçare nuk ka patur asnjëherë linja të ekzagjeruara, dobësimi i tejskajshëm dhe i vazhdueshëm i saj ka bërë që të qarkullojnë gjithmonë e më shumë zëra për një anoreksi të mundshme të saj.
Gjatë mbrëmjes, Moore u përpoq të tregohej aktive dhe e qeshur, ndonëse duket gjithmonë e më qartë se ajo e ka të vështirë të përballojë rikthimin në jetën e beqares.
Top Channel
