David Beckham është padyshim futbollisti më i famshëm në botë dhe jo vetëm për karrierën e tij të gjatë dhe të shkëlqyer, por edhe për reklamat e pafundme nëpërmjet të cilave imazhi i tij është bërë i njohur në të gjithë botën.
Gjithsesi, 36-vjeçari këmbëngul se qëllimi i tij nuk ka qenë kurrë të bëhej i njohur, por thjesht të luante futboll.
“Nuk kam dashur kurrë të bëhesha i famshëm, vetëm doja të bëhesha një futbollist. Nuk e di si ndodhi, por që kur u lidha me Victoria Beckham u bëmë çifti më i famshëm”, shprehet Beckham për revistën britanike ‘Men’s Health’.
“Tani jam 36 vjeç dhe dua ende të luaj. Nuk po mendoj për tërheqjen nga futbolli. Do të më pëlqente të isha pjesë e ekipit të Britanisë së Madhe në Lojërat Olimpike. Shpresoj që të jem në formë dhe të grumbullohem”, shtoi ish-mesfushori i Manchester United, Real Madrid dhe që aktualisht luan për Los Angeles Galaxy.
Top Channel
