Berat, vritet 60-vjeçari
08/01/2012 10:50
Kandidatët për drejtues të prokurorive të Durrësit dhe Shkodrës, KLP nis procedurat për verifikimin e pasurisë së tyre 25/04 14:06
Një 60-vjeçar nga Berati është vrarë me armë zjarri, ndërkohë që ende sipas policisë kanë mbetur mister motivet e kësaj ngjarjeje.
Burime pranë morgut të spitalit rajonal njoftojnë se në orët e mbrëmjes së djeshme ka mbërritur pa jetë, i vrarë me armë zjarri 60-vjeçari Namik Balliu. Ai është banor i fshatit Vokopol, në komunën e largët Tërpan.
Kanë qënë banorët e fshatit ata të cilët kanë gjetur trupin e pajetë të 60-vjeçarit në pyll. Burimet thonë se viktima është qëlluar me çifte dhe ka gjetur vdekjen e menjëhershme.
Në vendin e ngjarjes mësohet se kanë mbërritur ekspertët e policisë, të cilët kanë nisur hetimet për të mësuar shkaqet e kësaj ngjarjeje.
Familjarët deklaruan se Balliu ishte larguar nga banesa paraditen e së shtunës për të shkuar për gjah në një nga pyjet e fshatit.
Nuk dihet ende nëse ai ka qenë vetëm apo i shoqëruar.
Top Channel
