Kaka’: Barcelona nuk është e pathyeshme
23/12/2011 21:30
Pas ndeshjes, “Guerrilsat” e Partizanit u zënë pritë tifozëve korçarë! U thyejnë xhamat e 2 autobusëve 17/05 23:05
Kaka’, mesfushori brazilian i Real Madrid, nuk është nga ata që mendojnë se Messi është më i mirë se Cristiano Ronaldo.
“Cristiano është një futbollist i një niveli shumë të lartë. Është i kompletuar. Messi ka karakteristikat e veta, por Cristiano gjuan me të majtën, me të djathtën, me kokë dhe shënon gola nga goditjet e dënimit”, tha braziliani për shokun e tij të ekipit në deklarata për ‘Band Sports’.
Gjithashtu Kaka’ theksoi se Barcelona nuk është një ekip i pathyeshëm.
“Fituam finalen e Kupës së Mbretit ndaj tyre kështu që nuk janë të pathyeshëm. Gjithsesi mendoj se është ekipi më i fortë ndaj të cilit jam përballur në karrierën time”, shtoi ish-futbollisti i Milanit.
“Janë të fortë sepse kanë vite që luajnë bashkë dhe Messi luan me shumë vetëbesim duke bërë që t’i dalë loja”, përfundoi Kaka’.
Top Channel
