Aksident nga ngricat, humb jetën pasagjerja
22/12/2011 00:40
Kandidatët për drejtues të prokurorive të Durrësit dhe Shkodrës, KLP nis procedurat për verifikimin e pasurisë së tyre 25/04 14:06
Një tjetër aksident fatal për shkak të kushteve të rënduara të motit është shënuar në orët e mbrëmjes në qarkun e Dibrës. Aksidenti ka ndodhur në aksin rrugor Bulqizë-Peshkopi, ku një person humbi jetën.
Makina ka dalë nga rruga për shkak të ngricës, nga ku për pasojë pasagjerja Suvie Osmani, 50 vjeç, gjeti vdekjen.
Ende nuk dihen rrethanat e ngjarjes, ndërkohë që policia vazhdon të hetojë.
Kushtet e vështira të motit janë përhapur edhe në jug të vendit ku më parë është bërë i ditur bllokimi i disa rrugëve në qarkun e Gjirokastës, që lidhin komunat me qendrën.
Aksi Kakavijë-Gjirokastër është bllokuar pothuajse plotësisht, ndërsa për disa orë rresht ka munguar edhe makina borë pasturese.
Top Channel
