Luftë verbale Real-Barça
21/12/2011 11:25
Presidentin e Real Madrid e lënë nervat, sulmon Shqipërinë për “Topin e Artë. Ja si e “përgënjeshtron” Besnik Dizdari 24/11 21:11
E nisi Mourinho: “Botërori i Klubeve nuk ka vlerë.” U përgjigj Dani Alves: “Real Madrid na ka zili!”. Shtoi Victor Valdes: “Nuk ia vlen të merresh me komentet e disave (duke nënkuptuar Mourinho).
Në një program radioje spanjoll është Pepe, mbrojtësi i Real Madrid, ai që vazhdon polemikën.
“Ne kemi zili Barcelonën? Nuk është aspak e vërtetë. Unë luaj në ekipin më të mirë në botë. Real Madrid është klubi më i madh dhe nuk mund të ketë zili asnjë klub tjetër”, shprehet portugezi.
Mbrojtësi qendror foli edhe për kualifikimin e Real Madrid për 1/8 e finaleve të Kupës së Mbretit në Spanjë, ku madrilenët mundën 5-1 ekipin e kategorisë së tretë, Ponferradina.(ndeshja e parë përfundoi 0-2 për madrilenët).
“Ishte një ndeshje ku debutuan shumë futbollistë nga ekipi i të rinjve dhe fituam bindshëm. Jemi të lumtur sepse do të kalojmë Krishtlindjet të qetë”, tha Pepe, i cili ishte kapiten ekipi në mungesë të Casillas, Sergio Ramos, Xabi Alonso, Marcelo apo Higuian.
Golat e ndeshjes u shënuan nga Callejon (2), Varane, Sahin dhe Joselu.
Top Channel
